Blloku 3XX korrespondon me zonën e shtatë të përshkrimit bibliografik të ISBD-së. Ky bllok përmban shënime (në formë të tekstit të lirë) që plotësojnë ose shpjegojnë përshkrimin, si dhe përshkruajnë formën dhe përmbajtjen e njësisë.

Shenjat e pikësimit, përmbajtjen dhe formën e disa shënimeve i përcakton ISBD. Shënimet bëhen në gjuhën e kataloguesit, ndërsa frazat hyrëse dhe shkurtesat duhet të jenë standarde.

Nëse një shënim në aspektin e përmbajtjes i përket më shumë se një llojt të shënimeve midis fushave 301 deri 318, atë e e vendosni në fushën e parë përkatëse. Shënimet, të cilat i përkasin fushave nga 320 e tutje, vendosen në këto fusha dhe jo në fushat e mëparshme. Nëse dy shënime i përkasin të njëjtit lloj të shënimeve, secila nga ato vendoset në fushën e vet, që do të thotë se fusha përsëritet.

Shënimi mund të përftohet edhe në mënyrë automatike nga të dhënat në fushat e tjera, p.sh. nga fushat në lidhshmëri 4XX. Nëse shënimi krijohet nga fushat e tjera, ai nuk vendoset në fushat 3XX.