Fushat në bllokun 4XX përdoren për të treguar marrëdhënien ndërmjet burimit në vazhdim që përshkruhet me burimet e tjera në vazhdim në lidhshmëri ose ndryshe të lidhura. Fushat 41X dhe 42X tregojnë marrëdhënien hierarkike të pjesëve me tërësinë (nënseritë, shtojcat), fushat 43X dhe 44X tregojnë marrëdhënien kronologjike (titujt e mëparshëm dhe pasues ), ndërsa fushat 45X dhe 488 tregojnë marrëdhënien horizontale (botime të ndryshme, botime në gjuhë dhe shkrime të tjera ose botime të lidhura ndryshe).

Në regjistrimet për burimet në vazhdim, fushat e bllokut 4XX mund të përmbajnë nënfushat a – Titulli i saktë/kyç dhe x – ISSN. Në këto nënfusha shënohet titulli kryesor dhe ISSN-ja e burimit në vazhdim në lidhshmëri. Nënfusha a nuk plotësohet, nëse në bazën e përbashkët të të dhënave ndodhet edhe regjistrimi për burimin në vazhdim në lidhshmëri nga fusha 4XX dhe ky regjistrim përmban titullin kyç.

Fushat e bllokut 4XX kanë të përcaktuar vetëm treguesin e dytë, i cili tregon shfaqjen e shënimit. Nëse treguesi i dytë ka vlerën "1" – Shënimi shfaqet, shënimi do të përftohet nga frazat përkatëse hyrëse, titulli dhe ISSN-ja, nëse ekziston.

Në regjistrimet për monografitë, në bllokun 4XX ndodhen fushat e fiksuara. Në fushat 421, 423, 481, 482 dhe 488 ato i fiksoni me ndihmën e nënfushës 1. Në nënfushën 1 shënoni shenjën e fushës, të cilin dëshironi ta fiksoni, dhe treguesit përkatës. Në nënfushat në vazhdim shënohet përmbajtja.