Në sistemin e përbashkët të katalogimit emërtimet lëndore vendosen në formë të strukturuar në fushat 600–609 dhe sipas parimeve të sistemit të përzgjedhur për emërtimet lëndore (p.sh. lista e emërtimeve lëndore ose thesarët). Për klasifikim lëndor të unifikuar në katalogimin e përbashkët përdoret Lista e përgjithshme e emërtimeve lëndore COBISS (SGC), e cila është në dispozicion si bazë e njësuar, ndërsa në regjistrime mund të shtohen edhe emërtimet lëndore nga sistemet e tjera. Rregullat për klasifikimin lëndor përmes Listës së përgjithshme të emërtimeve lëndore COBISS (SGC) janë të përshkruara në udhëzimet Përcaktimi lëndor përmes SGC-së, të cilat janë të disponueshme na faqen elektronike SGC https://www.cobiss.si/sgc/. Nëse shtoni emërtime lëndore edhe nga sistemet e tjera, si udhëzime të përgjithshme apo kritere bazë për zgjedhjen e termave dhe formimin e rubrikave lëndore respektohen udhëzimet në Splošni slovenski geslovnik: navodila za predmetno označevanje knjižničnega gradiva in geslovnik. Ljubljana: Narodna in univerzitetna knjižnica, 2002, ose udhëzimet e sistemeve të tjera të vlefshme për klasifikim lëndor. P.sh. për klasifikim më të hollësishëm në fushën e mjeksisë përdoren termat nga MeSH (Medical Subject Headings).

Me krijimin e bazës së njësuar të të dhënave SGC dhe aplikimit të kontrollit të njësuar të emërtimeve lëndore në sistemin e katalogimit të përbashkët, ka ndryshuar mënyra e shënimit të të dhënave në fushat 60X. Emërtimet lëndore nga SGC nuk shënohen në mënyrë manuale, mirëpo ato transferohen nga baza e njësuar e të dhënave. Lidhja midis regjistrimeve të njësuara dhe emërtimeve lëndore në fushat 60X bëhet përmes nënfushës 60X3 – Numri i regjistrimit të njësuar.

Kur emërtimet lëndore janë të lidhura me SGC, format e papranuara nuk shënohen në regjistrimet bibliografike, ndërsa format për emërtimet e tjera lëndore vendosen në fushat 960–969. Kërkimi bëhet njëkohësisht në fushat 600–609 dhe 960–969. Fushat 960–969 lidhen me fushat 600–609 përmes nënfushës 6, në të cilën, tek të dy fushat në lidhshmëri shënohet një numër dyshifror (01-99).

Te plotësimi i fushave 600–609 dhe 960–969 përdoret nënfusha 2, në të cilën shënohet kodi i sistemit të emërtimeve lëndore, i cili përzgjidhet nga lista e kodeve. Nëse përdorni sistemin lokal të emërtimeve lëndore në gjuhën vendase, kodi i së cilës nuk ndodhet në listën e kodeve, kjo nënfushë nuk plotësohet, në të kundërtën plotësimi në nënfushës 2 është i detyrueshëm.

Lista e mëposhtme me kodet e sistemeve të emërtimeve lëndore nuk është e plotë, por ajo ndryshon dhe përditësohet sipas nevojës:

Nënfusha 2 përdoret edhe në fushën 686, ku shënohen kodet nga lista e kodeve për sistemet e klasifikimit. Udhëzime më të hollësishme jepen në fushën 686.