| COMARC/A | mars | 2018 |
Fusha përmban lidhjen me pikëqasjen në lidhshmëri, për të cilën ende nuk është krijuar regjistrimi i njësuar. Fusha do të përdoret për vendosjen e lidhjes së mëvonshme automatike midis regjistrimeve të njësuara, kur ato të krijohen.
Në këtë nënfushë shënohet pikëqasja në tërësi si dhe vendosen të gjitha shenjat e pikësimit që ndodhen midis të dhënave.
Nënfusha përmban numrin identifikues të regjistrimit të njësuar nga lista e huaj e emërtimeve lëndore.
Fusha 950 përdoret vetëm në regjistrimet në bazën e njësuar të të dhënave SGC. Kjo fushë plotësohet, kur përmes fushës 5XX duhet të lidhet regjistrimi i njësuar me regjistrimin e njësuar për termin në lidhshmëri, mirëpo kjo nuk është e mundur sepse ky i fundit ende nuk është në bazë. Për këtë arsye në fushën 950 vendosen të dhënat për termin në lidhshmëri, në vend se, për termin në lidhshmëri, të plotësohet fusha 5XX.
Në këtë rast, sipas mundësisë, si lidhje përdoret pikëqasja përkatëse nga lista e emërtimeve lëndore Library of Congress Subject Headings (LCSH), apo nga lista e emërtimeve lëndore Répertoire d'autorité-matière encyclopédique et alphabétique unifié (RAMEAU). Në nënfushën a shënohet pikëqasja, në nënfushën 2 kodi i sistemit LCSH ose RAMEAU dhe në nënfushën 3 numri identifikues nga LCSH ose RAMEAU. Nëse as në LCSH dhe as në RAMEAU nuk ndodhet regjistrimi i duhur për termin në lidhshmëri, në nënfushën a shënohet pikëqasja në gjuhën sllovene, e krijuar sipas rregullave SGC, në nënfushën 2 kodi i sistemit SGC, ndërsa nënfusha 3 lihet e zbrazët.