711 Emër organizate – përgjegjësi alternative

Fusha përmban emrin e organizatës që bartë përgjegjësinë alternative për veprën e përshkruar në regjistrimin bibliografik. Vendoset forma e emrit të organizatës që është përzgjedhur për emërtimin (kryetitullin) uniform.

Nënfushat & përsëritshmëria

FUSHA/NËNFUSHA			PËRSËRITSHMËRIA
711		Emër organizate – përgjegjësi alternative	r
	a	Elementi hyrës	nr
	b	Nënndarje	r
	c	Shtesa të emrit ose cilësori	r
	d	Numri i mbledhjes	nr
	e	Vendi i mbledhjes	r
	f	Viti i mbledhjes	nr
	g	Elementi i përmbysur	nr
	h	Pjesa e emrit (jo elementi hyrës ose i përmbysur)	nr
	3	Numri i regjistrimit të njësuar	nr
	4	Kodi për llojin e autorësisë	r
	6	Të dhënat për lidhjen	nr
	8	Kodi i institucionit/organizatës*	nr

Treguesit

TREGUESI	VLERA	KUPTIMI
1		Lloji i organizatës
	0	Emër organizate
	1	Mbledhje
2		Mënyra e shënimit të emrit
	0	Emër në formë të përmbysur
	1	Emër i shënuar sipas vendndodhjes ose juridiksionit
	2	Emër në renditje të drejtë

Treguesi i parë përcakton nëse autori kolektiv është organizatë apo mbledhje (konferencë, simpozium etj.). Nëse mbledhja është në varësi të organizatës treguesi i parë ka vlerën "0".

Treguesi i dytë përcakton formën apo mënyrën e shënimit të emrit të organizatës. Treguesi përcakton nëse emri i organizatës është shënuar në formë të përmbysur (kjo formë përdoret kur si element hyrës nuk është përzgjedhur fjala e parë nga emri i organizatës ose mbledhjes (konferencës)), sipas vendndodhjes ose juridiksionit (për organizatat që janë organe të njësisë politike e territoriale dhe të cilat vendosen sipas vendndodhjes), apo në renditje të drejtë (për të gjitha organizatat e tjera).

PËRSHKRIMI I NËNFUSHAVE

7116 Të dhënat për lidhjen

Shënohet një numër 2 shifor (01–99) për lidhjen e fushave 711 me fushat përkatëse 911 (shih shembullin 3).

Për nënfushat e tjera vlejnë udhëzimet e përshkruara në fushën 710 (shih përshkrimin e fushës 710).

SHËNIME PËR PËRMBAJTJEN E FUSHËS

Nënfusha 7116 përdoret vetëm në rastet kur organizata nuk është e lidhur me regjistrimin e njësuar përmes nënfushës 7113.

Udhëzimet e tjera për shënimin e të dhënave në fushën 711 janë të njëjta me udhëzimet për shënimin e të dhënave në fushën 710.

FUSHAT NË LIDHSHMËRI

200f	TITULLI DHE TË DHËNAT PËR PËRGJEGJËSINË, Përgjegjësia parësore
	Në fushën 200 shënohen të dhënat në formën siç janë në njësi. Nëse në nënfushën f janë të shënuar disa emra, te emri i dytë dhe i tretë zakonisht bëhet fjalë për përgjegjësi alternative; nëse bëhet fjalë për emër organizate ai shënohet në fushën 711 në formën e pikëqasjes.
710	EMËR ORGANIZATE – PËRGJEGJËSI PARËSORE
	Emri i organizatës me përgjegjësi parësore vendoset në fushën 710.
712	EMËR ORGANIZATE – PËRGJEGJËSI DYTËSORE
	Nëse ekzistojnë organizata, të cilat kanë përgjegjësi më të vogël se organizatat e shënuara në fushat 710 dhe 711, ato shënohen në fushën 712.
911	EMËR ORGANIZATE – PËRGJEGJËSI ALTERNATIVE (VARIANTI I EMËRTIMIT)*
	Emri paralel ose forma tjetër e emrit të organizatës me përgjegjësi alternative vendoset në fushën 911.
916	EMËR ORGANIZATE – FORMË E PALIDHUR*
	Forma e emrit të organizatës ose takimit, që është marrë nga burimi dhe ende nuk është në regjistrimin e njësuar, e lidhur me fushën 711, vendoset në fushën 916.

SHEMBUJ

710	01	aPennsylvania. bState University bDept. of Agricultural Economics and Rural Sociology
711	01	aPennsylvania. bAgricultural Experiment Station, University Park
		(Organizatat bartin përgjegjësi të përbashkët për burimin në vazhdim. Emri, i cili ndodhet i pari në renditje, i takon organizatës që bartë përgjegjësinë parësore. I dyti është emri i organizatës që ka përgjegjësi alternative.)

* COBISS.net

200	0⊔	aKatalogët e bibliotekave epërmbledhje referatesh nga takimi profesional i Shoqatës së Bibliotekarëve të Shqipërisë dhe Shoqatës së Kataloguesve, [14 mars 2008, Tiranë] f[redaktor Faton Vata]
710	02	aShoqata e Bibliotekarëve të Shqipërisë bTakim profesional f2008 eTiranë
711	02	aShoqata e Kataloguesve bTakim profesional f2008 eTiranë