Kodet për zonat gjeografike përdoren në fushën 160 dhe mundësojnë kërkim të gjerë për zonat gjeografike në regjistrimet e njësuara. Kodet përcaktojnë entitetet gjeografike në nivel shteti dhe më gjerë, ndërsa në rastet e disa shteteve edhe ndarjet administrative në nivelin më të lartë. Lista e kodeve të zonave gjeografike bazohet në versionin e përditësuar online të listës së kodeve të Bibliotekës së Kongresit Marc Code List for Geographic Areas: https://www.loc.gov/marc/geoareas/. Në listë kodet janë të renditura në mënyrë alfabetike bashkë me emërtimin e tyre dhe hyrjen, në të cilën shpjegohet struktura e kodeve dhe ndërtimi i listës së kodeve si dhe janë dhënë udhëzimet për përdorim. Për përdorim të saktë dhe të qëndrueshëm të kodeve për zonat gjeografike është shumë me rëndësi lista alfabetike e emrave për zonat gjeografike, e cila përmban edhe lloje të ndryshme të referimeve.